Osim poklona darovali vrijeme provedeno sa napuštenim ljubimcima
Na inicijativu mentorki podmlatka volontera Crvenog krsta Herceg Novog, Jelene Raičević Jakšić Milene Bunjevac, devetočlana ekipa mladih volontera, od koji je jedan đak osnovne a ostali srednje Škole, posjetili su sklonište za pse na Dizdarici.
Vrijeme su proveli u druženju sa napuštenim psima i izvodili ih u šetnju, no nisu došli praznih ruku, niti otišli bez obećanja da će ponovo doći.
Prema riječima koordinatorke za volontere u azilu za pse Slađane Kovačević, posjeta ih je iznenadila, obradovala i ulila novu nadu.
”Pored poklona koji su nam uručeni, zadovoljstvo je bilo gledati njihovu sreću dok s se družili sa našim psima, koliko je to našim šapicama značilo. Očkujemo sa novom posjetom. Ova djeca su primjer dobrog vaspitanja, humanosti i najbolji primjer kako se postaje dobar čovjek, poručila je Kovačević.
