Na tekst Novskog portala, preuzet iz drugih medija, “Hotel Plaža u Zelenici se vraća u vlasništvo BiH ?” reagovao je jedan od nasljednika Hotela Plaža u Zelenici, dr Zoltan Magyar.
Tvrdi da je Hotel Plaža 1948. nacionalizovani familijarni hotel i nikad nije bio u vlasništvu Općine Centar Sarajavo, pa joj se ne može ni vratatiti. Prenosimo integralno nastavak njegovog reagovanja.
“Opština Herceg Novi i Sarajevo sklopili su 1960. ugovor o prenosu prava koriščenja rečenog objekta u neotuđivoj društvenoj svojini. Državnim preokretom, objekat je preuzela Komanda ratne mornarice SRJ, a RCG je upisala redovno vlasništvo.
Nasljednici Magyar su 2004. podnijeli zakoniti zahtjev za povraćaj i dogodine je Država napustila objekat. Sarajlije 2007. tuže Državu sa izmišljenim vlasničkim prohtjevom, što je pravosnažno odbijeno 2016.
Sarajevsku vlasničku reviziu ne odobrava Vthovni sud, ali 2017. naređuje Državi da dopusti ugovorno korišćenje Sarajevu. Vrhovna presuda je izvršena 2018. na licu mjesta u Zelenici
Sarajevski pritisak preko toga, za upis vlasništva, definitivno je odbio Upavni sud 2021. Sarajlije 2022 ponovo tuže Državu sa izmišljenom kupoprodajnom postavkom.
Tokom procesa pri Osnovnom sudu Herceg Novi moraju odustati od te izmišljotine, a skreću na pretumačenje Vrhovne presude.
Sadašnjom presudom Sarajlije gube svoju tužbu vlasništva, a priznaje im se ugovorno korisništvo.
Nasljednicima Magyar, po upravnoj presudi 2021, krajem iste godine izdato je povraćajno rješenje – što su Sarajlije poremetili svojom kupoprodajnom tužbom. Predstoji uredno sređivanje povraćaja Država-Nasljednici preko sarajevskog korisništva. Po ovom postupa advokat Saša Vujović u Herceg Novom”, objašnjava u reagovanju dipl.ing. arhitekt & Mag.Art istoričar, dr Zoltan Magyar.
