U Ulcinju je prpteglog vikenda u organizaciji, KSR „BOJANA“, održano pojedinačno državno prvenstvo u udičarenju iz barke za juniore U21, drugi krug, na kojem je učestvovao 21 takmičar.
Nakon sumiranja rezultata iz oba kruga državnog prvenstva došlo se do rezultata najboljih u državi. Najveći uspjeh pokazao je GORAN BORIČIĆ iz KSR „ Igalo“ i na svom poprsju okačio zlatno odličje i sačuvao titulu najboljeg od prošle godine. Srebrnom medaljom se okitio Vaso Terzić iz Kluba „Bokeška jedra 1999“ iz Đenovića, dok je bronzana medalja otišla u ruke Bojana Matijaševića iz KSR „ Jugole Grakalić“.
U drugom krugu najbolji je bio mladi perspektivni takmičar iz KSR „ Igalo“ Slobodan Vučurević, drugi je bio Goran Boričić KSR „ Igalo“, a trećem mjestu se našao Vaso Terzić KSR „Bokeška Jedra 1999“ Đenovići.
Medalje najboljima uručio je član Upravnog Odbora Saveza Muzafer Čauši.
