Iza 16 časova od udara groma izbio je požar iznad Zelenike u mjestu Kabao. Požar je izbio na nepristupačnom terenu, a gori gusta vegetacija, pa su novski vatrogasci pozvali avijaciju Ministarstva unutrašnjih poslova da gasi vatrenu stihiju.
– Požar gasi avijacija sa air traktorom, jednom su preletjeli požar i bacilli vodu, ali pada mrak, pa ne znam koliko će uspjeti prije noći da ugase – kaže za naš portal načelnik Službe zaštite i spašavanja, Zlatko Ćirović.
Ekipe novskih vatrogasaca su na terenu, kao i lovci, ali ne može se prići.
Požar koji je ranije izbio na Podima, ugašen je.
