Kalendarsko ljeto probudili su jutros brojni Novljani i njihovi gosti, tradicionalno, na drevnoj srednjovjekovnoj tvrđavi Forte Mare.
Iako zvanično ljeto i najduži dan u godini počinje u 10.24 časova, već od 4.45 su mnogi plesali i uživali uz tribute band “The world od Madonna” i čuvene Madonine hitove, ali i nekoliko Michael Jacksona.
Lijepa energija, raspoloženje, dosta mladih, kao i onih starijih generacija, domali i turisti s raznih krajeva svijeta … Poseban doživljaj je ispratiti mjesec, dočekati sunce koje izranja negdje iz pravca Lovćena i onda umiva polako cijeli zaliv. Herceg Novi kao na dlanu, umiven i pospan…. Zato mnogima godinama nije teško da ustanu rano, da plešu u svitanje.
Organizator manifestacije koja simbolično označava početak turističke i sezone programa kulture je JUK Herceg Fest.
Prema podacima astronoma, ljeto će trajati do 23. septembra, kada u 2.05 časova počinje jesen.
