Učenica 7.a OŠ ,,Ilija Kišić”, Tijana Goranović, osvojila je treće mjesto na 11. konkursu ,,Ko kaže da ne čitam lektiru” OŠ „Đura Jakšić“ iz Jalašnice u Srbiji.
Ona je nagradu dobila za pjesmu na temu ,,Aska i vuk na baletskoj predstavi”, u kategoriji starijih razreda osnovne škole.
U Tijaninoj pjesmi od 4 katrena sa dosljedno parnom (a,a,b,b) rimom, vuk se našao na bini i zasmetao gracioznoj balerini – Aski. Situacija je za oboje bila zbunjujuća, ali je ubrzo postala zabavna svima i njima i publici.
Ovom šaljivom pjesmom Tijana je lirski reagovala na Andrićevu alegoričnu pripovijetku ,,Aska i vuk” i stihovima izmirila Asku i vuka.
