Već dvadesetak godina članice Udruženja žena Herceg Novog, koje je neprofitna organizacija, okuplja članice koje se bave raznim rukotvorinama, umjetninama, proizvodnjom zdravih i autentičnih proizvoda, ali i humanim radom. Članice često izlažu na bazarima na Škveru, u centru grada duž Njegoševe ulice, kao i u Igalu. Trenutno je aktivno skoro 20 žena, a možete ih vidjeti da izlažu na novogodišnjem bazaru u parku Boka.
Svake Nove godine vrijedne članice obraduju s poklonima i djecu Doma Mladost u Bijeloj. Već su ih posjetili s lijepim paketićima, kao i igračkama koje su same pravile na radionicama.
Kako su iz Udruženja kazale Novskom portalu, danas su i jedan dio novca od kotizacija za stolove na bazarima uplatile za potrebe Udružrnja FENIX roditelja djece oboljele od kancera, kao i Azilu za pse na Dizdarici.
