U nagradnoj igri tivatske Une Momntenegro “Ulov mjeseca” za avgust 2022, prvo mjesto i vaučer u iznosu od 50 eura koga može potrošiti u Uninim prodavnicama SIPA ili Marine Centru osvojio je Zoran Ćuk sa ulovljenom tunom od 180 kg.
Mamac je Zoranu bila živa skuša, dok je borba sa tunom trajala preko dva i po sata.
Od opreme korištena je mašinica Shimano Tiagra 80lb, te najlon 1.00mm.
Drugo mjesto i vaučer u iznosu od 30 eura koga može potrošiti u Uninim prodavnicama SIPA ili Marine Centru osvojio je Danijel Vulević sa iglanom od 9.2 kg.
Ulov je ostvaren kod Luštice, a kao oprema korišteni su štap Daiwa Jigger 2.4m 60-100g, konac Kairiki Shimano 0.25 i najlon Fluorocarbon 0.50 Duel.
Evo i kako je Danijel ulovio iglana:
“Krenuo sam kajakom od Luštice prema vani. Na sonaru sam primijetio sitnu ribu. Zabacio sam ispod jig 60g Savage Gear Mackarel Dekor. Na prvi udarac je uhvaćen. Vukla me je jedno 20 minuta dok se nije umorila.”
Treće mjesto i vaučer u iznosu od 20 eura za potrošnju u SIPA prodavnicama ili Marine Centru osvojio je Dalibor Božinović sa oradom od 3,8kg.
Oradu, “kraljicu mora”, uhvatio je u Bokokotorskom zalivu u jutarnjim časovima iz barke, navodi Dalibor.
Za mamac koristio je mušlju i imao je malu pomoć dva sina pri izvlačenju, Viktora i Dominika.
