Ribar Zoran Radović sa ulovljenom tunom od 120 kg osvojio je prvo mjesto i vaučer u iznosu od 50 eura u nagradnoj igri tivatske kompanije Una Montenegro „Ulov mjeseca-Ulov godine“.
Tuna dužine 2.2m ulovljena je na potezu Bar – Sutomore. Kao mamac korištena je živa iglica, a borba je trajala čitavih pet sati! Zoran je za ovaj ulov koristio štap Kali Kunnan Kayo 80lb, mašinicu Penn Senator 115, najlon Xzoga 100lg. Sva oprema je, kako kaže, kupljena u prodavnici Sipa Bar.
Drugo mjesto i vaučer u iznosu od 30 eura osvojio je Milan Ćorić sa brancinom od čak 9.350 kg.
Milan je ovaj nesvakidašnji ulov ostvario u večernjim satima, oko 19:30. A od opreme koristio je štap Daiwa Ninja 8-35, te mašinicu Shimano Catana i Rapala varalicu.
Treće mjesto i vaučer u iznosu od 20 eura pripalo je Vuku Piksiadesu sa kernjom od 14kg.
Ulov je ostvaren u barskom akvatorijumu, na dubini od 75 metara. Kao mamac korištena je živa lignja.
Nagrađeni ribari vaučere mogu iskoristiti u Uninim prodavnicama SIPA ili Marine Centru.
