Pred razdraganom i razigranom novskom publikom, podno gradske tore, nakon više od uru, pojavila se večeras na bini Neda Ukraden, neumorna Ex Yu diva i specijalna gošća 53. Praznika mimoze.
Prethodno je dugo pričala sa brojnim novinarima, a onda s puno duše uzela mikrofon i poručila na početku koncerta Novljanima i njihovim gostima:
“Drago mi je da poslije dugo vremena nastupim u gradu u kojem sam mnogo puta dolazila i pjevala, za koji me vežu najljepše uspomene. Ovo je izuzetno veče i ja ću se potruditi da ovo bude prava fešta, prava noć, koja će se pamtiti. Drago mi je da vidim različite generacije.
Pozdravljamem prije svega najmlađe, pa ove svoje vršnjake od 18+ godina” kazala je Neda.
Obećala je da će sve pjevati od sevdaha do rokenrola. Onda je počela koncert pjesmom “Nisam ti ja bilo ko”.
